嚟Samsung Galaxy Studio玩得够in够潮！

作者：时间：2020-06-26 访问：812 #时代新兴

(Presented by Samsung)

科技几时都係日新月异，就好似今年最hit嘅VR、360影相、4D游戏咁，通通都係新科技带畀我哋嘅各种娱乐！想玩？跟我Gadget专男嚟喺太古城设置嘅Samsung Galaxy Studio就得，呢度更加係畀你试玩最新旗舰手机嘅最佳机会！

嚟Samsung Galaxy Studio动感体验区，透过配戴新一代Gear VR，就亲身体验同真实几乎一模一样嘅4D划艇运动。

戴住无线音乐耳机Gear IconX，试玩拳击游戏，出身汗，爽！

尽享VR完胜体验
投入Gear VR虚拟世界

今年最hit玩意，非VR莫属，未玩过边算潮人？！其实市面已经有唔少VR装置发售，但实在唔可以唔讚Samsung推出嘅新一代Gear VR，配备咗全新101度视野，令视野更自然、仲减轻咗重量，令用家戴得更舒适，配合埋环迴立体声效，就可轻鬆享受犹如亲历其境一样嘅临场实感！

Galaxy Studio同时设有唔同嘅动态体验区，等你戴住Gear VR，就可体验最贴近真实嘅4D划艇运动；或喺特设4D动感戏院内，以Gear VR睇同玩过山车，投入劲似实景嘅虚拟世界；你又可以配戴无线音乐耳机Gear IconX，试玩拳击游戏，享受健身乐趣；记得去埋镜房试玩Gear 360，拍低自己最独特嘅360全景相！

场内会有职员会帮你影相同埋upload，智能机械手臂就会用S Pen喺Galaxy Note7上模画张相，你仲可以经电邮拎或者即场打印张相嚟留念。

Gear 360就可以轻鬆帮你喺镜房影低独特嘅360度相。

虹膜识别‧S Pen‧抗水防尘
Galaxy Note7三大亮点

自从今年年头推出咗Samsung Galaxy S7 edge之后，集多个崭新功能嘅Galaxy Note7，佢拥有独特嘅双边曲面侧屏幕设计，最大亮点係支援「虹膜识别」功能，透过虹膜镜头同红外线感应，比用指纹更快完成登记，并可以喺无接触之下轻鬆安全认证，眨一眨眼就可以即刻解锁，提供埋更高指标嘅保安同私隐效能，仲可以用喺网页登入同加密资料夹，安心保障个人私隐！

场内可试用最新「虹膜识别」功能，只需登记自己独一无二嘅虹膜，眨一眨眼，即刻解锁开机！

S Pen喺手，无论抄写笔记、设计绘图、剪接影片，甚至係翻译文字都好，同样可以一笔完成。

另一亮点就係配备咗升级版S Pen，为你提供精準嘅书写、绘画体验，仲有埋悬浮翻译、速览同放大镜功能，方便日常生活使用！而首次为 Galaxy Note系列支援「IP68抗水防尘」嘅机身及S Pen亦都係亮点之一，湿咗都用得到，落雨都无有怕！其他功能当然亦升呢唔少：好似相机功能用专业级「Dual Pixel」、F1.7大光圈嘅专业前镜头，影每张相片都清晰动人！